Irska: Prvi korona-fri pab

Irska: Prvi korona-fri pab

Zanimljivosti

Jedan bar na zapadu Irske najavio je otvaranje kao prvi pub bez korone u zemlji, a u kojem će posjetioci biti testirani brzim testom prije ulaska. U “Ajlins” pabu u Ogamoru, dva i po sata vožnje od glavnog grada Dablina, posjetioci najprije moraju da sačekaju u određenom prostoru da bi ih stručnjak testirao na virus, prenose mediji.

Vlasnik paba Donal Birn objavio je na Fejsbuku da će ulaz biti dozvoljen samo redovnim posjetiocima i samo ako budu negativni na testiranju, ali je dodao da će moći da piju i tamo gdje čkaju na testiranje i dok čekaju rezultat.

Posjetioci snose troškove testiranja od 10 evra i mogu da se testiraju između 17 i 19 sati. “Troškovi testiranja su veći od toga, ali Ajlins rado pokriva razliku kako bi bili sigurni da su naši zaposleni i gosti sigurni i zdravi”, napisao je Birn na Fejsbuku.

Prema pravilima koja su trenutno na snazi u Irskoj, rad nije dozvoljen pabovima koji ne služe hranu, a “Ajlins” nije među njima. Birn kaže da niti služi niti namjerava da služi hranu. “Ne služim hranu. Kao što znamo, hrana ne zaustavlja kovid i ne spriječava kovid”, rekao je Birn.

Podijeli

2 thoughts on “Irska: Prvi korona-fri pab

Komentariši